Putin ABŞ-nin Ukraynaya yeni raket və tanklar verməsinə münasibət bildirib
“Ukraynaya ATACMS raketlərinin verilməsi ABŞ-ın növbəti səhvidir”.
“Qərb Xəbər” TASS-a istinadən xəbər verir ki, bunu Rusiya Prezidenti Vladimir Putin oktyabrın 18-də deyib.
O bildirib ki, ATACMS ballistik raketlərinin tədarükü Ukraynanın ziyanınadır: “Bu, Ukraynaya zərər verir və əlavə təhlükə yaradır. Lakin Rusiya bu hücumları dəf edəcək”.
V.Putinin sözlərinə görə, ATACMS raketləri təmas xəttindəki vəziyyəti kökündən dəyişməyəcək: “Sadəcə olaraq ABŞ uzaqmənzilli raketlərin tədarükü ilə Ukraynadakı müharibəyə daha çox cəlb olunur”.
Rusiya lideri deyib ki, Qərbin Ukrayna ilə bağlı mövqeyi bir qədər dəyişib və bu, düzgündür. Onun sözlərinə görə, müharibə danışıqlar yolu ilə həll edilməlidir.
Bu gün paylaşılan digər xəbərlər
Bu gün heç bir yeni xəbər yayımlanmadı