“Son iki gündə fərdi olaraq 6 aptekə girmişəm. Maska və spirt soruşmuşam. “Yoxdur” deyirlər”.
“Qərb Xəbər” saytının məlumatına görə, bunu jurnalist Arzu Sayadoğlu yaşadığı Tovuz rayonunda apardığı müşahidələr əsasında yazdığı “Feysbuk” statusunda qeyd edib.
Statusun tam versiyada təqdim edirik: “İnad etsəm də, maskaların apteklərə ən çoxu 100-200 civarında verildiyini bildirirlər. İki gün öncə soruşdum ki, bəs dünən Qərargah rəsmən elan etdi ki, ölkəyə yarım milyon maska gətirilib və 1.5 milyon da sifariş edilib, gətiriləcək.
CAVAB EYNİ OLDU: Bizə yalnızca az sayda verilir (Müşahidələri Tovuzda aparmışam).
Operativ adlandırılan Qərargah məsuliyyət daşıdığı koronavirusla mübarizədə çox zəif işləyir və haqlı olaraq vətəndaşların onlara dəyən ziyandan dolayı, bu qərargahı məhkəməyə verib itirlmiş ziyanı geri almaq hüququ var. İstər yerli, istərsə də beynəlxalq qanunvericilkdə müddəalar var. Bu, qanun pozuntusudur.
Başqa bir örnək verim: Dünən marketə girib limon soruşdum. Bir dənəsi 50 qəpik. Təbii ki, aldım. Ancaq daha öncəsində 25-30 qəpiyə idi dənəsi. Bunu deyim ki, yerli rayonlar üzrə bazarlardan digər rayonlara və paytaxta rahat nəqliyyat-ticarət, daşıma məhdudlaşdırıldığından (azaldıldığından) yerli alverçilər, tacirlər at oynadırlar. Bahalaşma baş alıb gedir. Vətəndaşlarda güclü narazılıqlar yaradılır. Paytaxtdan tez-tez yoxlamalar gəlməli və bölgələrdəki bu cür qiymət cəlladları qanuna uyğun şəkildə cəzalandırmalıdır, ya da bəlli sahədə önəmli, ehtiyac duyulan ərzaq-qida vasitələrinin ölkə boyunca daşınmalı satışına öncəki çərçivədə izin verilməlidir ki, həmin bu şəxslər yerli bazarla məhdudlaşmayıb qiymət qaldırımına getməsin.
Bu cür məsələlərə hazır olmayan qurum hələ bir Fövqəladə Halın da anonsunu verir.
P.S. Önləmlər alınmalıdırmı? Əlbəttə, qanuni və vətəndaşlara ziyan dəyməyəcək, onların ziyanlarına şərik olacaq şəkildə. Əks halda, törədilən qanun pozuntusundan dolayı, ortada həmin qurum məsuliyyət daşıyır.