Naxçıvana verilən səlahiyyətlər həddindən artıq çoxdur – Rəy

Dövlət Təhlükəsizliyi Xidmətinin (DTX) İranla sərhəddəki gömrük idarələrindən birində əməliyyat keçirməsinə dair yayılan məlumatlar həqiqəti əks etdirmir.

DTX-nin bu gün İranla sərhəddə yerləşən gömrük idarələrinin birində əməliyyat keçirməsinə və idarənin rəisi, həmçinin digər əməkdaşlarının saxlanıb istintaqa cəlb edilməsi ilə bağlı məlumatlar doğru deyil.

Naxçıvanda gedən prosesləri “Qərb Xəbər”ə şərh edən politoloq Oktay Qasımov bildirib ki, bu islahatların aparılmasına ehtiyac var idi.

“Naxçıvanda hazırda gedən proseslərin kökündə bir neçə məsələ dayanır. Bunlar idarəetmə strukturunun təkmilləşdirilməsi, korrupsiya ilə mübarizə çərçivəsində, digəri isə təhlükəsizlik ilə bağlı məsələlərdir. Bu islahatların aparılmasına ehtiyac var. Çünki, Naxçıvan Muxtar Respublikasında bir çox nazirliklər fəaliyyət göstərir və onların bir çoxu yarım müstəqil fəaliyyət ilə məşğuldurlar. Bakının, yəni mərkəzin Naxçıvanın işlərinə müdaxiləsi bu idarəetmə forması ilə xeyli məhdudlaşır. Bu baxımdan formanın dəyişməyi üçün müəyyən addımlar atılmalı idi və atılmaqdadır. Bunun da ilk öncə gömrük, vergi, maliyyə və digər qurumlarda, o cümlədən səhiyyə, təhsil sistemlərində araşdırmalar aparılmalı idi və bu araşdırılmalar da aparılır. Neqativ hallar üzə çıxarılır”.

Politoloq əlavə edib ki, artıq müəyyən struktur dəyişikliklərinə gedilir.

“Həm Naxçıvan Dövlət Təhlükəsizlik Xidməti, o cümlədən dövlət gömrük komitələrinin statusu aşağı endirələrək, baş idarələr səviyyəsinə salınıb. Hesab edirəm ki, bu proses davam etməlidir. Bu paralel strukturlar ləğv olunmalıdır. İdarəetmənin çevik həyata keçirilməsi üçün sistem digər bölgələrdə necədirsə elə olmalıdır.
Naxçıvanın statusu ilə məsələlərə baxılmalıdır. Hesab edirəm ki, Naxçıvan Muxtar Respublikasına verilən səlahiyyətlər həddindən artıq çoxdur. Bu məsələlər də referendum ilə həll olunmalı məsələlərdir. Naxçıvan Muxtar Respublikasında idarəçiliyin təkmilləşdirilməsi və operativ həyata keçirilməsi üçün prezidentin səlahiyyətli nümayəndəsi postu yaradıla bilər”.

Rahib isgəndərli