MÜTDA: “Son zəng”lə bağlı məktəblərə bildirişdər göndərilib

“Son zəng”lə bağlı məktəblərə protokollar göndərilib, kənara çıxmaq olmaz.

Qerbxeber.com xəbər verir ki, bunu Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov jurnalistlərə açıqlamasında deyib.

E.Bağırov hər kəsi tələblərə əməl etməyə çağırıb:

“Məktəblərə protokollar göndərilib və tələblərdən kənara çıxmaq olmaz. “Son zəng”lə əlaqəli məktəblərdə yaradıcı və bədii hissə ola bilər. Amma valideynlərə əlavə maliyyə yükü yaradan tədbirlərin keçirilməsinə yol verilməməlidir”.

Xatırladaq ki, Bakı şəhəri 207 nömrəli tam orta məktəbin direktoru “Son zəng”lə əlaqəli valideynlərdən pul yığılmasına görə yayılmış səs yazısına görə ötən gün vəzifəsindən azad edilib.