Mertz: Rusiya Ukraynada dayanmayacaq, bu hələ başlanğıcdır
Görünən odur ki, Rusiya Prezienti Vladimir Putinin imperiya planları yalnız Ukrayna ilə məhdudlaşmayacaq – əksinə, bu hələ başlanğıcdır.
Qerbxeber.com xəbər verir ki, bu bəyanatla Almaniya Kansleri Fridrix Merts çıxış edib.
O, Avropadakı müttəfiqləri maraqlarını yenidən qiymətləndirməyə və Amerika Birləşmiş Ştatları (ABŞ) ilə münasibətlərdəki dəyişiklikləri nəzərə alaraq yeni tərəfdaşlar axtarmağa çağırıb.
“Biz yanlış nostaljiyə qapılmadan Avropada öz maraqlarımıza düzəlişlər etməliyik”, – Merts vurğulayıb.
Onun sözlərinə görə, Vaşinqton Avropanın vacib tərəfdaşı olaraq qalır. Lakin münasibətlər dəyişib, çünki ABŞ bu əlaqələri müəyyən maraqlardan və məsələlərdən asılı edir.
