Makron ABŞ-ın Avropaya qarşı tarif siyasətini kəskin tənqid edib

Fransa Prezidenti Emmanuel Makron ABŞ-ın avqustun 1-dən Avropa İttifaqından idxal olunan məhsullara 30 faizlik tarif tətbiq etmək planlarını kəskin şəkildə tənqid edib.

Bu barədə dövlət başçısı “X” hesabında paylaşım edib.

“Avropa Komissiyasının Prezidenti ilə birlikdə Fransa 1 avqustdan etibarən Aİ-dən ABŞ-a ixrac olunan məhsullara dair 30 faizlik tariflərin tətbiqi qərarına qəti şəkildə qarşı çıxır”, – deyə Makron bəyan edib.

O vurğulayıb ki, Avropa Komissiyası ilə ABŞ arasında aparılan danışıqlar Aİ tərəfindən ciddi təkliflər əsasında qurulsa da, nəticə etibarilə razılıq əldə olunmayıb.