Məktəb ləvazimatları valideynlərə neçəyə başa gələcək?/Qərb Xəbər

Məktəbli ləvazimatları valdeyinlərə neçəyə başa gələcək?

Övladı məktəbli olan valideynlər yeni dərs ilində məktəbli ləvazimatlarına, xeyli pul xərcləməli olurlar. Bəs görəsən bu il məktəb bazarlığı valideynlərə neçəyə başa gələcək?

“Qərb Xəbər” repertyor qrupu Qazaxda olan məktəbli ləvazimatlarının satış mağazalarında olan qiymətlərini araşdırıb. Müşahidələrimiz əsasında məktəbli ləvazimatlarının qiymətlərinin mağazalarda təxminən eyni olduğu, əsasən keyfiyyətinə və istehsal olunduğu ölkəyə görə dəyişdiyi məlum olub.

Beləliklə, hazırda satışda ən ucuz məktəbli çantasının qiyməti 9 manatdır. Çantaların qiyməti istehsal edildiyi ölkəyə görə dəyişir. Türkiyə istehsalı olan məktəbli çantalarının qiyməti isə 30 manatdan başlayır. Qiymətlər 80-85 manata qədər dəyişir.

Dəftərlərin qiyməti vərəqlərin sayından asılı olaraq 20 qəpikdən 1manata qədər dəyişir.
Qələmlərin qiyməti isə 10 qəpikdən 3 manat 40 qəpiyədək dəyişir.
Xətkeşlərin qiyməti 20 qəpik – 2manat arasında dəyişir. Rəngli karandaşların qiyməti isə fərqlidir. 2manat 80 qəpikdən başlayaraq qiymətlər 6 manatadək təklif olunur.Flomasterlərin qiyməti isə 1manat 20 qəpikdən 5 manat aralığındadır. Pozanların qiyməti 10 qəpikdən 1 manat 20qəpiyə, karandaş yonanların qiyməti isə 50 qəpik 1manat 20 qəpik civarındadır. Sadə karandaşların qiyməti 10-40 qəpik aralığındadır. Plastilinlərin qiyməti 1 manat 60 qəpikdən 2manat 50 qəpiyədəkdir.

Satıcılar da, alıcılar da bu il məktəbli ləvazimatlarının qiymətində bahalaşma olduğunu bildirdiriblər.

Ülviyyə Həsənli.
Qərb Xəbər.