2019-cu ildə 11 nəfər gənc günahsız yerə həbs olunub. Onların terroru maliyyələşdirmə ittihamı ilə saxlanıldıqları bildirilir.
Bunu “Qərb Xəbər”ə həbs olunanların yaxınları bildirib.
Məlumata görə, aşağıda adları sadalanan gənclər Cinayət Məcəlləsinin 167-3.1 (dini ekstremist materialları hazırlama, saxlama və ya yayma), 218.2 (cinayətkar birlikdə, mütəşəkkil dəstələrin birliyində iştirak) və 214-1 (terroru maliyyələşdirmə) maddələri ilə ittiham olunurlar. Ailələr isə bunun əksini deyir. Bildirirlər ki, övladları heç bir sübutsuz, dəlilsiz həbs olunublar.
İttiham olunanlar:
1) Qurbanov Samir Vladimir oğlu – 32 yaş, işsiz. 9 may 2019-cu ildə həbs olunub;
2) Məmmədli Babək Rəşid oğlu – 41 yaş, işsiz. 9 may 2019-cu ildə həbs olunub;
3) Həsənov Amin Ədalət oğlu – 27 yaş, işsiz. 9 may 2019-cu ildə hebs olunub;
4) İsmayılov Elgün Valeh oğlu – 25 yaş, işsiz. 8 iyun 2019-cu ildə həbs olunub;
5) Bayramov Eflatun Eyvaz oğlu – 26 yaş, işsiz. 9 may 2019-cu ildə həbs olunub;
6) İbişov Ələddin Azər oğlu – 27 yaş, işsiz. 30 iyul 2019-cu ildə həbs olunub;
7) İmanov Yusif Abbas oğlu – 35 yaş, işsiz. 10 may 2019-cu ildə həbs olunub;
8) Qurbanov Orxan Şaiq oğlu – 33 yaş, işsiz. 9 may 2019-cu ildə həbs olunub;
9) Qasımov Tehran İzzət oğlu – 29 yaş, işsiz. 9 may 2019-cu ildə həbs olunub;
10)Əmənov Cavid Fazil oğlu – 43 yaş, işsiz. 7 iyun 2019-cu ildə həbs olunub;
11) Cabbarov Şəhriyar – 27 avqust 1996
Bu gün isə Bakı Ağır Cinayətlər Məhkəməsində Səbuhi Hüseynovun sədrliyi ilə keçirilən məhkəmə prosesində Samir Qurbanov, Əflatun Bayramov, Amin Həsənov və Ələddin İbişov ülgüclə (lezva) qol damarlarını doğrayıb. Sonra onlar ülgücləri boğazlarına dayayıblar. Hakimlər məhkəmə zalını tərk ediblər.
Məhkəmə prosesi təxirə salınandan sonra təqsirləndirilənlərin yaxınları etiraz aksiyası keçirib və mətbuata geniş açıqlama veriblər.
Ətraflı “Kanal13”-ün hazırladığı videoreportajda: