KİV: Avropa artıq Ukraynaya sülhməramlı göndərmək fikrində deyil

Avropa sülhməramlı qüvvələrini Ukraynaya göndərmək fikrini dəyişib və indi Kiyevi dəstəkləmək üçün alternativ variantlar axtarır.

Qerbxeber.com xəbər verir ki, bu barədə “Reuters“ avropalı diplomatlara istinadən məlumat verib.

Məlumata görə adı açıqlanmayan diplomatlardan biri avropalıların indi qoşun göndərmək fikrindən yayındığını və daha mənalı ola biləcək bir şey tapmağa çalışdıqlarını deyib.

Digər bir mənbə isə bildirib ki, qoşunların göndərilməsi ideyası Ukrayna daha yaxşı vəziyyətdə olduğu zaman cəlbedici idi, lakin cəbhədəki mövcud vəziyyəti və Ağ Evə kimin rəhbərlik etdiyini nəzərə alsaq, sülhməramlı göndərmək ideyası artıq o qədər də cəlbedici deyil.