İşində nöqsanlara yol verən general təqaüdə göndərildi – Fransa bu xəbərlə çalxalanır
Fransanın hərbi kəşfiyyatının direktoru Erik Vido Ukraynadakı müharibə ilə bağlı işində yol verdiyi “nöqsanlara” görə vəzifəsini vaxtından öncə tərk etməli olub.
“Qərb Xəbər” məlumat verir ki, bu barədə məlumatı öz mənbələrinə istinadən “Opinion” nəşri yayıb.
Nəşr yazır ki, general Erik Video sözügedən vəzifəyə təyin olunmasından cəmi 7 ay sonra istefaya yollanmalı olub. Fransa Müdafiə Nazirliyində olan mənbənin verdiyi məlumata görə, bu, “məsələlərin başa düşülməməsi” və “brifinqlərin kifayət qədər olmaması” ilə bağlı olub.
Fransa Silahlı Qüvvələrinin Qərargahının rəisi martın 29-u Vidoya yayda istefaya göndəriləcəyini bildirməli idi. Vido isə hərbi müəssisəni dərhal tərk etməyi qərara alıb.
Vidonu hərbi kəşfiyyatın direktoru vəzifəsində general Jak de Monqro əvəz edə bilər.
Bu gün paylaşılan digər xəbərlər
Bu gün heç bir yeni xəbər yayımlanmadı