İran ordusu Baş Qərargahı: ABŞ-nin 17 hərbi bazasını məhv etmişik

ABŞ-ın Yaxın Şərqdə 17 hərbi bazası məhv edilib.

“Fars”ın xəbərinə görə, bunu İran Silahlı Qüvvələrinin Baş Qərargahının sözçüsü bildirib.

“Amerikalılar ilk dəfə öz bazalarından qaçdılar və hotellərə sığındılar. Regiondakı ölkələr Amerika əsgərlərinə hotellərdə sığınacaq versə, təbii ki, həmin hotel hədəfimiz olacaq. Onları hotellərə buraxmayın ki, öz bazalarında zərər vura bilək”, – bildirilib.

Əlavə edilib ki, müharibə dayansa belə, Hörmüz boğazı əvvəlki vəziyyətinə qayıtmayacaq.

Bundan başqa, vurğulanıb ki, İsrail Hərbi Hava Qüvvələrinin komandanlıq mərkəzi, iclasların keçirildiyi məkanlar, nüvə alimlərinin toplandığı mərkəz, hərbi sənaye tədqiqat mərkəzi vurulub və bunların hamısında ağır itkilər qeydə alınıb.

İndiyə qədər İsraildə müharibə nəticəsində ölənlərin sayının 1320-dən çox olduğu iddia edilib.