İqtisadiyyat üzrə Nobel mükafatının qalibinin adı açıqlanıb

Bu gün 2023-cü il iqtisadiyyat üzrə Nobel mükafatının qalibinin adı açıqlanıb.

“Qərb Xəbər” Nobel Komitəsinin rəsmi saytına istinadən verdiyi xəbərə görə, mükafat amerikalı Klaudiya Qoldinə (Claduia Goldin) verilib.

Qoldin qadınların əmək bazarında rolunun öyrənilməsinə görə, mükafata layiq görülüb.

Klaudiya Qoldin 1946-cı il 14 may tarixində Amerika Birləşmiş Ştatlarında anadan olub.

Qoldin daha çox qadınlar və iqtisadiyyat mövzusunda yazdığı əsərləri ilə tanınır.

Onun bu sahədə yazılarının əksəriyyəti qadınların ailə axtarışları və münasibətlərinin tarixi, ali təhsil məsələsi, karyera və evlilik, karyeranın evlilik qərarlarına təsiri, nikahdan sonra qadınların soyadlarının sosial göstərici kimi olması və digər bu kimi mövzularda olub.

Qoldin həmçinin ABŞ-nin cənub bölgəsinə dair iqtisadiyyat araşdırmaları ilə də tanınır.