Gürcüstan nümayəndə heyətinin mandatının qəbul edilməməsi məsələsi AŞPA-nın gündəliyinə salınıb
Gürcüstan nümayəndə heyətinin etimadnaməsinin qəbul edilməməsi məsələsi Avropa Şurası Parlament Assambleyası (AŞPA) 2025-ci il qış sessiyasının gündəliyinə salınıb.
Qerbxeber.com Aktual.ge istinadən xəbər verir ki, iddianın müəllifi Avropa Xalq Partiyasının üzvü Boriana Aberqdir.
O, Gürcüstan parlamentinin “birpartiyalı parlament” olduğunu və Gürcüstanda demokratik sistemin dağılma mərhələsində olduğunu qeyd edib.
Məlumata görə, petisiyanı assambleyanın azı 30 üzvü dəstəkləyib və yanvarın 29-da günün ikinci yarısında müzakirəyə çıxarılacaq.
AŞPA-nın bəyanatda bildirilib ki, assambleya Gürcüstan nümayəndə heyətinə səlahiyyət verə və ya verməyə bilər. Bununla belə, nümayəndə heyəti üzvlərinin müəyyən hüquqları dayandırıla, həmçinin onların assambleyanın fəaliyyətində iştirakı məhdudlaşdırıla bilər.
“Gürcüstan nümayəndə heyətinin üzvləri hələ də assambleyanın sessiyalarında iştirak edə bilərlər, lakin qərar qəbul olunana qədər etimadnamə məsələsi üzrə səsvermədə iştirak edə bilməyəcəklər”, – bəyanatda qeyd olunub.
