Tovuz rayonunun bir sıra dağlıq və dağətəyi kəndlərinə yağan qarın fəsadları olub.
Son dövrlər kəskin pisləşən hava şəraiti ölkəmizin bir sıra yerlərində təsərrüfatlara və insanların həyatına mənfi təsir göstərib.Belə ki, aprel ayının 19-dan etibarənTovuz rayonunun Ağbulaq,Muncuqlu,Qoşa,Şıxheybət,Çatax,Pələkli, Hacılar,Qaralar,Cirdək,Çeşməli və s.dağlıq kəndlərinə yağan qar aprel ayının 24-nə qədər davam edib. İntensiv yağan qar həmin kəndlərdə yaşayan on mindən çox əhaliyə elektrik enerjisinin verilməsində problemlər yaradıb.”Bölgənin səsi”nin yerli sakinlərdən aldığı məlumata görə elektrik enerjisinin verilişi hələ də bərpa edilməyib. Adı çəkilən kəndlərin sakinləri artıq altı gündür ki, qaranlığa qərq olublar. İnanırıq ki,aidiyyəti qurumlar təcili və təxirə salınmaz tədbirlər görəcəklər.