Gənclər Fondunun ötən il keçirdiyi layihələr 286 min 760 gənci əhatə edib
Azərbaycan Gənclər Fondu 2024-cü ildə gənclər və gənclər təşkilatları tərəfindən hazırlanmış 680-dən çox layihəni maliyyələşdirib.
Qerbxeber.com xəbər verir ki, bu barədə Fondun ötən il üzrə hesabatında qeyd edilib.
Sənəd Milli Məclisin Gənclər və idman komitəsinin bugünkü iclasında müzakirəyə çıxarılıb.
Bildirilib ki, Fond 2024-cü ildə 1450-dən çox tədbir və layihə həyata keçirib. Bu fəaliyyət 286 min 760 gənci əhatə edib.
Eyni zamanda Gənclər Fondu hesabat ilində 52 qurum və təşkilatla əməkdaşlıq edib.
