Entoni Blinkendən Gürcüstan AÇIQLAMASI

Qerbxeber.com Aktual.ge-yə istinadən xəbər verir ki, bu sözləri ABŞ-ın Dövlət katibi Entoni Blinken Parisdə Fransanın Xarici işlər naziri Jan-Noel Baro ilə birgə keçirdiyi mətbuat konfransında deyib.

Onun sözlərinə görə, ABŞ, Fransa və digər bir çox ölkə arasında “Gürcüstan hökumətinin çox təəssüf doğuran addımları qarşısında” açıq bir həmrəylik mövcuddur.

“Gürcüstana gəldikdə, biz bu barədə də danışdıq. Həm Fransa, həm də ABŞ Gürcüstanda demokratiyanın gerilədiyini görür. Bu, çox narahatedicidir. Təkcə demokratiyanın geriləməsi deyil, həm də gürcü xalqının mütləq əksəriyyətinin Avropa ilə daha yaxın gələcək qurmaq arzusundan uzaqlaşmasıdır.

Biz demokratiyanın bu geriləməsini gördükdən sonra, xalqın iradəsinə zidd hərəkət edən hökuməti müşahidə etdikdən sonra, seçkilərdə bir çox sual doğuran prosesləri izlədikdən sonra, azad və açıq şəkildə danışmaq istəyən insanlara qarşı repressiv addımları gördükdən sonra, biz və tərəfdaşlarımız tədbirlər gördük.

‘Gürcü Arzusu’ partiyasının lideri İvanişvili və hökumətin digər üzvlərinə sanksiyalar tətbiq etdik. ABŞ-ın Gürcüstan hökumətinə yardımı dayandırdıq. ATƏT-də Fransa daxil olmaqla demək olar ki, bütün tərəfdaşlarımızla birgə işləyərək, vətəndaş cəmiyyətinin ifadə və fəaliyyət azadlığını məhdudlaşdıran qanunvericilik də daxil olmaqla atılan addımların dəyişdirilməsi üçün ATƏT-in ‘Vyana Mexanizmi’ni işə saldıq.

Düşünürəm ki, məqsəd ətrafında ABŞ, Fransa və bir çox digər ölkə arasında Gürcüstan hökumətinin çox təəssüf doğuran addımları qarşısında açıq bir həmrəylik görürsünüz,” – deyə Entoni Blinken qeyd edib.