DİN əhaliyə müraciət edib
Daxili İşlər Nazirliyi (DİN) əhaliyə müraciət edib.
DİN-in Mətbuat Xidmətinin yaydığı məlumatda deyilir:
“Nazirlər Kabinetinin 2020-ci il 19 noyabr tarixli Qərarı ilə Azərbaycan Respublikasının ərazisində xüsusi karantin rejiminin müddəti uzadılıb. Odur ki, vətəndaşlarımızdan xüsusi karantin rejiminin tələblərini pozmamağı, o cümlədən sosial məsafəni gözləmələrini və tənəffüs yollarını qoruyan tibbi maskalardan mütləq qaydada istifadə etmələrini xahiş edirik.
Bütün tədbirlər vətəndaşların təhlükəsizliyinin təmin edilməsi, Azərbaycanın hər bir sakininin sağlamlığının qorunması məqsədilə həyata keçirilir.
Səbrli və anlayışlı vətəndaşlarımıza əvvəlcədən təşəkkür edirik”.
