Avqustun 8-də Azərbaycan Respublikasının Xarici İşlər Naziri Ceyhun Bayramov Türkiyə Respublikasının XİN Mövlut Çavuşoğlunun dəvəti əsasında Ankarada keçirilən “2023-cü il ərəfəsində və ondan sonrakı dövrdə müdrik və humanist Türk diplomatiyası” mövzusunda 13-cü Səfirlər konfransında çıxış edib.
Məsələ ilə bağlı “Qərb Xəbər”ə politoloq Cümşüd Nuriyev məlumat verib.
Onun sözlərinə görə, Ceyhun Bayramovun 13cü səfirlər konfransında iştirak etməsi təbii bir haldır: “Çünki, səfirlərin belə bir görüşləri yəni təşkil olunur. Türkiyədə keçirilən görüşdə, Türkiyənin Prezidenti R.T.Ərdoğan bir mənalı şəkildə Azərbaycanın mövqeyini dəstəkləyir. Çavuşoğlu biraz daha qabağa getdi və dedi ki bizim düşmənlərimizdə dostlarımızda bilsin ki, biz həmişə Azərbaycanın yanındayıq. Azərbaycan XİN Ceyhun Bayramovda öz çıxışında bildirdi ki, Ermənistan bu məsələləri razılaşdırılmış 3 tərəfli bəyanatın müddəalarına əməl etməlidir. Azərbaycan tərəfi bunu gözləyir və bunu tələb edir. Təbii ki, bu bir platforma idi. Bu müharibədən sonra Azərbaycanın dünyada səsi eşidilməyə başlayıb”.
Politoloq bildirdi ki, bir qalib dövlətin XİN kimi çıxış etməsi Ceyhun Bayramova müyəssər oldu: “Normal çıxış oldu. Çünki, əsas odur ki, onun çıxışı ilk dəfə Türk dilində Azərbaycan-Türkcəsi yox, Anadolu-Türkcəsində ortaq bir dil məsələsini gündəmə gətirib. O şəkildə çıxış etdi. Bu Azərbaycana çox şey verəcək. Bütün dünya bildi ki, Türkiyə bir mənalı şəkildə Azərbaycanın yanındadır. Hər bir ölkənin səfiri həmin ölkənin sözçüsüdür. Onlarda bütün görüşlər haqqında, həm ölkə başcısına, həm həmin ölkənin XİN-ə gizli məlumat verirlər. Yəni o səfir oradakı vəziyyəti olduğu kimi təqdim edəndə, həmin ölkələrdə Azərbaycan haqqında bu və ya digər formada yanlış qərar çıxartmayacağlarına əminəm. Bu barədə Azərbaycanın qazancları bunlardır“.
Vüsalə Kərimova.