BVF Ukraynaya 400 milyon dollarlıq növbəti tranşın ayrılmasını təsdiqləyib

Beynəlxalq Valyuta Fondunun (BVF) İcraçı Direktorlar Şurası ölkənin yeddinci iqtisadi icmalı çərçivəsində Ukrayna ilə sazişləri təsdiqləyib və bu sazişlərə əsasən, Kiyev 2023-cü ilin martında təsdiq edilmiş Genişləndirilmiş Fond Proqramı (EFF) çərçivəsində daha 400 milyon dollar məbləğində tranş alacaq.

Qerbxeber.com xəbər verir ki, bu barədə BVF-nin mətbuat xidmətinin bəyanatında deyilir.

“Bu gün BVF-nin İcraçı Direktorlar Şurası EFF-nin Ukrayna üzrə yeddinci baxışını başa çatdırıb və bu, Ukraynaya 400 milyon dollara yaxın vəsait ayırmağa imkan verib. Bu, büdcənin dəstəklənməsi üçün istifadə olunacaq”, – sənəddə deyilir.

Beləliklə, BVF-nin kredit proqramı üzrə ödənişlərin ümumi məbləği təxminən 10,1 milyard dollar təşkil edəcək.