Bu tələbələrin aylıq təqaüdləri artırıldı – SƏRƏNCAM
“Azərbaycan Respublikasının ali məktəb tələbələri üçün Prezident təqaüdünün təsis edilməsi haqqında” Azərbaycan Respublikası Prezidentinin 2001-ci il 3 sentyabr tarixli 564 nömrəli Fərmanında dəyişiklik edilib.
Prezident.az xəbər verir ki, bununla bağlı Prezident İlham Əliyev fərman imzalayıb.
Fərmana əsasən, Azərbaycan Respublikasının ali məktəblərinə qəbul imtahanlarında ən yüksək nəticə göstərmiş 102 nəfər tələbə üçün hər birinə verilən Prezident təqaüdünün məbləği 210 manatdan 250 manata qaldırılıb.
Bu Fərman 2022-ci il yanvarın 1-dən tətbiq edilir.
