Qerbxeber.com Gürcüstan mediasına istinadən xəbər verir ki, bunu Amerika Birləşmiş Ştatlarının Milli Təhlükəsizlik Şurasının Avropa məsələləri üzrə direktoru Maykl Carpenter “Amerikanın Səsi”nə verdiyi müsahibədə bildirib.
Onun sözlərinə görə, sonda öz taleyini müəyyən etmək gürcü xalqının üzərinə düşür.
“Düşünürəm ki, biz yeni administrasiyaya çox sərt bir siyasət miras qoyuruq. Biz bütün yardımları dayandırdıq, o cümlədən 95 milyon dollardan çox dəstəyi dayandırdıq. Biz Gürcüstan hökumətinin çoxlu sayda rəsmisini antidemokratik fəaliyyətlərdə iştirak etdiklərinə görə sanksiyalaşdırdıq ki, bu da etirazlara və vətəndaş cəmiyyətinin sıxışdırılmasına aid idi. Biz bu repressiyaların əsas memarlarını, o cümlədən Bidzina İvanişvilini sanksiyalaşdırdıq. O, yalnız daxili məsələlərdə deyil, həm də xarici siyasətdə əsas qərar qəbul edənlərdən biridir və Gürcüstanın xarici siyasəti getdikcə Rusiya və Çin xarici siyasətinə bənzəyir. Beləliklə, biz yeni komandaya bu administrasiyadan çox müxtəlif tədbirlər toplusunu ötürdük. Sonda isə öz taleyini müəyyən etmək, əlbəttə ki, gürcü xalqının üzərinə düşür”, – deyə Maykl Carpenter qeyd edib.
