Azərbaycandan Ermənistana qəti xəbərdarlıq: Revanşist cəhdləri faciə ilə bitəcək – Video

“Prezident günümüzün ən aktual məsələlərinə toxunaraq Cənubi Qafqazda yaranmış yeni reallıqları dəyişdirməyə çalışan Ermənistana bir sıra mühüm mesajlar verir”.

“Qərb Xəbər” bildirir ki, bu fikirlər AzTV-də yayımlanan “Həftə” proqramının son buraxılışında yer alıb.

Aparıcının sözlərinə görə, Azərbaycan ordusunun 44 günlük müharibədə əldə etdiyi zəfər, daha sonra isə qarşı tərəfin təxribatlarına konkret cavab Qarabağ ətrafında oyun quran hayların bütün iddialarını heçə endirdi:

“Ona görə də düşmən bundan dərs çıxarmalıdır. Ermənistanda insanların şüurlarını zəhərləyən ideologiyaya, Azərbaycanafobiyaya son qoyulmalıdır. Azərbaycan bu gün öz ərazilərinə tam nəzarət edir və məğlub tərəfin hərbi manevrlərini də çox diqqətlə izləyir. Hayların istənilən revanşist cəhdləri onlar üçün faciə ilə bitəcək”.