“Azərbaycanda qiymət artımı bəzən daxili subyektiv səbəblərdən qaynaqlanır” – İqtisadçı

“Qiymət artımının bir hissəsi qlobaldır. Qlobal dünyada xüsusilə də ərzaq qiymətlərində artım baş verirdi”.

Bu sözləri “Qərb Xəbər”ə açıqlamasında iqtisadçı Elçin Rəşidov bildirib.

“Burada Rusiya-Ukrayna müharibəsinin də rolu var. Neftin və qazın yüksək qiymətinin də rolu var. Burada müharibə nəticəsində və ondan qabaq pandemiya nəticəsində sarsılmış logistikanın, daşımaların da rolu var. Azərbaycan kontekstində qiymət artımlarının bu yalnız bir qismini əhatə edir. Digər qismi də daxili subyektiv səbəblərdən qaynaqlanır”.

İqtisadçının fikirinə görə Nazirlər Kabinetinin hazırladığı anti-inflyasiya tədbirləri çox naşıdır.

“Bu ilin əvvəllərində Nazirlər Kabineti anti-inflyasiya tədbirləri hazırladığını elan etdi. Məlum oldu ki, bu tədbirlər çox naşı hazırlanıb. Onların hazırlanması bu sahəni bilməyən insanlar tərəfindən olub. Inflyasya tədbirləri qiymətlərin artımına səbəb olacaqdı. Məsələn, ölkədə gömrük rüsumlarının qaldırılması və yerli məhsulların qorunması kimi siyasət qiymətləri həmişə qaldırıb. Bu onu göstərir ki, Nazirlər Kabinetində bu tədbirləri hazılayanlar bu sahəni bilmirlər. Nəticədə də başqa sahələrdə olduğu kimi burada da arzuolunmaz nəticələrlə qarşılaşmışıq”.
“Umumilikdə belə yalnış siyasət icra edildiyində ölkə həmişə itirir. Bunlarla yanaşı kənd təsərrüfatı sahəsində də problemlər mövcuddur. Məsələn pambıq. Pambıq da məmur biznesi nəzarəti altındadır. Pambıq ölkədə qida sektorunu məhdudlaşdırır. Bütün bunlar qiymət artımına səbəb olur” – deyə Elçin Rəşidov vurğulayıb.

Rahib İsgəndərli