Futbol üzrə Azərbaycan Kubokunda yarımfinal mərhələsinə start verilib.
Raundun ilk oyununda yarışın sonuncu finalçısı “Qəbələ” Premyer Liqanın lideri “Qarabağ”ı qəbul edib.
Görüş meydan sahiblərinin minimal hesablı qələbəsi ilə yekunlaşıb – 1:0. Qarşılaşmada yeganə qolu 72-ci dəqiqədə Ceyms Adeniyi vurub.
Qeyd edək ki, günün digər yarımfinal matçında “Sumqayıt” və “Zirə” komandaları üz-üzə gələcək. Cavab görüşləri mayın 1-də olacaq.