Azərbaycan “Keşikçidağ”da elmi-arxeoloji qazıntı aparacaq

Azərbaycan arxeoloji abidələrdən əldə olunan maddi-mədəniyyət nümunələrinin daha dəqiq tədqiq olunması üçün Türkiyənin təcrübəsindən istifadə etməyi düşünür.

Bunu Mədəni İrsin Qorunması, İnkişafı və Bərpası üzrə Dövlət Xidmətinin rəis müavini Ağacavid Ramazanov Azərbaycan-Türkiyə İkinci Birgə Mədəniyyət Komissiyasının iclasında deyib.

O bildirib ki, “Keşikçidağ” Dövlət Tarix-Mədəniyyət Qoruğu ərazisində elmi-arxeoloji qazıntı, tədqiqat və kəşfiyyat işlərinin nəticəsində aşkar olunan artefaktların tarixinin dəqiqləşdirilməsi ilə bağlı radiokarbon və izotop analizlərinin laboratoriya şəraitində tədqiq olunması üçün müraciət edilib.