bolgeninsesi

“Azərişıq” Bərdə rayonu Soğanverdilər kəndində evində məcburi köçkün saxlayan və 3 oğlu əsgərlikdə ön cəbhədə olan ailənin, eyni zamanda kənddən xeyli əhalinin elektrik xəttini kəsib. “Qərb Xəbər”in Bərdə bürosunun məlumatına görə, səbəb kimi elektrik borcunu ödəmədiyi göstərilir, hansı ki hələ ödəniş vaxtı çatmayıb. Borc məbləği5-11 AZN arasındadır. Xatırladaq ki, Bərdə rayonunun Soğanverdilər kəndi cəbhə bölgəsi … Read more

“Müzəffər Azərbaycan Ordusu Cəbrayıl rayonunun Xudaverdili, Qurbantəpə, Şahvələdli, Xubyarlı, Zəngilan rayonunun Aladin, Vecnəli, Qubadlı rayonunun Kavdadıq, Məmər, Mollalı kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!” Bunu özünün rəsmi tvitter hesabında Prezident İlham Əliyev yazıb.

Ölkədə sanitar-epidemioloji vəziyyəti nəzərə alaraq Nazirlər Kabinetinin təhsilin təşkilinə dair Qərarı imzalanıb. “Qərb Xəbər”in məlumatına görə, qərarda deyilir: 1. Xüsusi karantin rejimi dövründə Azərbaycan Respublikasında fəaliyyət göstərən bütün təhsil müəssisələrində 2020-ci il 2 noyabr tarixindən tədris və təlim-tərbiyə prosesinin distant (məsafədən) formada təşkili təmin edilsin. 2. Müəyyən edilsin ki, bu Qərarın qüvvədə olduğu müddətdə sanitar-epidemioloji … Read more

Hazırda Ermənistan silahlı qüvvələrinin bölmələri Gorus rayonu tərəfdən Qubadlı rayonunun ərazisini artilleriya atəşinə tutur. Bu barədə Azərbaycan Müdafiə Nazirliyinin Mətbuat Xidməti məlumat yayıb. Azərbaycan bölmələri tərəfindən adekvat cavab tədbirləri görüləcək.

Sentyabrın 27-dən indiyədək Ermənistanın təcavüzü nəticəsində 9 şagird həlak olub, 50-yə yaxın məktəb yararsız vəziyyətə düşüb. “Qərb Xəbər”in məlumatına görə, bu sözləri Təhsil naziri Emin Əmrullayev Nazirlər Kabineti yanında Operativ Qərargahın bu gün keçirilən brifinqində deyib. Nazir erməni terroru nəticəsində həlak olanların yaxınlarına başsağlığı verib.

Ermənistan silahlı qüvvələri humanitar atəşkəs rejimini pozaraq Azərbaycan əhalisinin sıx yaşadığı yaşayış məntəqələrini, mülki obyektləri, o cümlədən fərdi və çoxmənzilli yaşayış binalarını, təsərrüfatları ağır artilleriya qurğularından və raketlərdən atəşə tutmaqla yanaşı, ekoloji terror əməllərini də davam etdirir. FHN-in yaydığı məlumata görə, ötən gün döyüş bölgəsindən kənarda yerləşən Göygöl rayonunun ərazisinin Ermənistan silahlı qüvvələrinin ağır artilleriya qurğularından … Read more

Bərdə şəhərində dinc əhalini və mülki infrastrukturu atəşə tutan Ermənistan silahlı qüvvələrinə məxsus “Smerç” yaylım atəşli reaktiv sisteminin atəş mövqeyi Azərbaycan bölmələri tərəfindən aşkar edilib. Bu barədə Azərbaycan Müdafiə Nazirliyinin Mətbuat Xidməti məlumat yayıb. Oktyabrın 29-u saat 15.18 radələrində dəqiq atəşlə qarşı tərəfin “Smerç” yaylım atəşli reaktiv sistemi məhv edilib. Qeyd olunan reaktiv sistemin məhv … Read more

Azərbaycanda bu gün koronavirus infeksiyasına 1 015 yeni yoluxma faktı qeydə alınıb, 483 nəfər müalicə olunaraq sağalıb və evə buraxılıb. Bu barədə Nazirlər Kabineti yanında Operativ Qərargah məlumat yayıb. Son sutkada 9 nəfər COVID-19-dan vəfat edib. Hazırkı dövrədək Azərbaycanda 53 min 152 nəfərin koronavirus infeksiyasına yoluxması faktı müəyyən edilib. Onlardan 42 min 516 nəfər müalicə olunaraq sağalıb, 708 nəfər vəfat edib. Aktiv xəstə sayı 10 … Read more

Bərdə şəhərində dinc sakinləri atəşə tutan Ermənistan silahlı qüvvələri döyüş meydanında zərərsizləşdirilib. Bu barədə Müdafiə Nazirliyi məlumat yayıb.

“Bu gün saat 13 radələrində Ermənistan silahlı qüvvələri tərəfindən Tərtər rayonu ərazisinə qadağan olunmuş 2 raket atılıb”. Bunu “Report”-a Tərtər Rayon İcra Hakimiyyətinin başçısı Müstəqim Məmmədov məlumat verib. Onun sözlərinə görə, ermənilərin atdığı raketlər rayonun Səhləbat, Əskipara və Ələsgərli kəndləri istiqamətində partlayıb: “Xoşbəxtlikdən ölən və yaralanan olmayıb. Mülki evlərə və təssərüfata ziyan dəyib”.

Bərdə və Goranboy rayonlarının ərazisi Ermənistan silahlı qüvvələri tərəfindən atəşə tutulub. Bu barədə Müdafiə Nazirliyi məlumat yayıb. Qeyd edək ki, hazırda Azərbaycandakı diplomatik korpusun nümayəndələri və hərbi attaşelər Bərdə şəhərində səfərdədir. Onları Azərbaycan Prezidentinin köməkçisi – Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev, Baş Prokuror Kamran Əliyev, Birinci vitse-prezidentin köməkçisi Elçin Əmirbəyov … Read more

Ermənistan tərəfinin guya bu gün aviasiya vasitəsilərimizin tətbiqi ilə Ağdərə şəhərinə zərbələr endirilməsi barədə yaydığı xəbər dezinformasiyadır. Bu barədə Müdafiə Nazirliyi məlumat yayıb. “Bildiririk ki, bu gün Azərbaycan Hərbi Hava Qüvvələrinə məxsus heç bir aviasiya vasitəsi ümumiyyətlə havaya qalxmayıb”, – məlumatda vurğulanıb.

“Erməsitan silahlı qüvvələrinin Bərdəni raket atəşinə tutması ilə bağlı tərəfimizdən cinayət işi başlanılıb”. “Report” xəbər verir ki, bunu Azərbaycanın Baş prokuroru Kamran Əliyev Bərdədə hadisə yerində jurnalistlərə açıqlamasında deyib. Onun sözlərinə görə, dünəndən istintaq-əməliyyat qrupu Bərdə şəhərində işləyir və zəruri olan bütün sübutlar toplanılır.

Hərbi zərurət olmadan hərbi əməliyyatların dəstəklənməsi üçün istifadə olunmuş gücləndirilmiş mühafizə altındakı Xocalı, Ağdam rayonunda Üzərliktəpə, Füzuli rayonunda Qaraköpək kurqanları və digər tarixi mədəniyyət abidələri, eləcə də arxeoloji qazıntılar zamanı aşkar edilmiş ümumdünya əhəmiyyətinə malik 100 mindən artıq qiymətli və nadir eksponatlar məhv edilib və talanıb, habelə işğalı əbədiləşdirmək və ermənilərin guya işğal olunmuş ərazilərdə … Read more

Azərbaycan Ordusunun endirdiyi zərbələr nəticəsində Ermənistan silahlı qüvvələrinin bölmələri geri çəkilməyə məcbur edilir. Müdafiə Nazirliyinin Mətbuat Xidmətinin yaydığı məlumata görə, Ermənistan xeyli itki verir, onun döyüş texnikası sıradan çıxarılır. Qarşı tərəfin hərbi rəhbərliyi də artıq buraxdıqları səhvləri etiraf etmək məcburiyyətində qalıb: “Onlar düşdükləri ağır vəziyyətlə barışmağa məcburdurlar. Biz torpaqlarımızı azad etdikcə düşmənin xeyli sayda silah-sursatını qənimət … Read more

Humanitar atəşkəs rejimini kobud şəkildə pozan Ermənistan silahlı qüvvələri Bərdə şəhərini “Smerç” yaylım atəşli reaktiv sistemindən atəşə tutur. Müdafiə Nazirliyinin yaydığı məlumata görə, ölən və xəsarət alanlar var, mülki infrastruktura ziyan dəyib.

Ermənistan silahlı qüvvələrinin Bərdəni yenidən raket atəşinə tutması nəticəsində ölənlər var. “Report” xəbər verir ki, azı 5 mülki şəxs ölüb.

Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana təbrik məktubu yazıb. Мəktubda deyilir: “Hörmətli cənab Prezident, Əziz Qardaşım. 29 Oktyabr – Respublika Günü münasibətilə Sizi və Sizin simanızda qardaş Türkiyə xalqını şəxsən öz adımdan və Azərbaycan xalqı adından ürəkdən təbrik edir, ən xoş arzu və diləklərimi yetirirəm. Biz Türkiyə Respublikasının əldə etdiyi … Read more

Azərbaycan Daxili İşlər Nazirliyi (DİN) əhaliyə növbəti dəfə müraciət edib. Müraciətdə deyilir: “Ermənistan terrorçu dövlətdir. Düşmən ölkənin böyük şəhərlərimizdə, insanların sıx toplaşdıqları yerlərdə, ictimai nəqliyyatda terror-təxribat aktları törətməsi istisna deyil. Odur ki, ehtiyatı əldən verməməli, daim ayıq-sayıq olmalıyıq”.

Ermənistan silahlı qüvvələri tərəfindən Bərdə rayonu ərazisinə raket atılması nəticəsində həlak olan 7 yaşlı Aysu İsgəndərova dəfn edilib. Bu barədə “Report”un cəbhə bölgəsinə ezam olunmuş əməkdaşı xəbər verir. O, yaşadığı Qarayusifli kənd qəbiristanlığında yaxınlarının yanında torpağa tapşırılıb.