Aİ Rusiyaya qarşı sanksiyalarının müddətini uzadıb

Avropa İttifaqı Şurası Rusiyaya qarşı sanksiyaların müddətini daha altı ay müddətinə uzadıb.

Qerbxeber.com xəbər verir ki, bu barədə Aİ Şurasının mətbuat xidməti məlumat yayıb.

Bildirilib ki, sanksiyaların müddəti iyulun 31-dək uzadılıb.

Məlumatda vurğulanıb ki, 2014-cü ildə ilk dəfə tətbiq edilən bu iqtisadi tədbirlər 2022-ci ilin fevralında başlayan Rusiya-Ukrayna müharibəsindən sonra əhəmiyyətli dərəcədə genişləndirilib.

Sanksiya ticarət, maliyyə, enerji, texnologiya və ikili təyinatlı mallar, sənaye, nəqliyyat və lüks mallar üzrə məhdudiyyətləri əhatə edən geniş spektrli sektoral tədbirlərdən ibarətdir.

Onlar həmçinin Rusiyadan Aİ-yə dəniz yolu ilə xam neft və müəyyən neft məhsullarının idxalı və ya transferinə qadağa, bir neçə Rusiya bankının SWIFT sistemindən çıxarılması kimi məsələləri əhatə edir.