ABŞ Ukraynaya yenidən mərmi və raket göndərəcək

ABŞ Ukraynaya artilleriya mərmiləri və mobil raket qurğularının tədarükünü bərpa edib.

Qerbxeber.com xəbər verir ki, bu haqda “Reuters“ iki ABŞ rəsmisinə istinadən məlumat yayıb.

“Anonimlik şərti ilə danışan rəsmilər bildiriblər ki, Ukrayna hazırda 155 mm-lik artilleriya mərmiləri və GMLRS (mobil raket artilleriya) raketləri alır”, – məlumatda deyilir.

Agentliyin mənbələri nə qədər silahın göndərildiyi və çatdırılmanın tam şəkildə başa çatdırılıb-çatdırılmadığı haqda dəqiq məlumat verməyiblər.