ABŞ-ın Qafqaz üzrə baş müşaviri Azərbaycana gəlib
ABŞ Dövlət Departamentinin Qafqaz danışıqları üzrə baş müşaviri Filip Riker Azərbaycanda səfərdədir. Səfər iki gün – 28-29 noyabr tarixlərində davam edəcək.
“Qərb Xəbər” bildirir ki, bu barədə ABŞ-ın Azərbaycandakı səfirliyinin məlumatında bildirilir.
Məlumatda qeyd olunur ki, Bakıya səfəri zamanı səfir Filip Riker Prezident İlham Əliyev və xarici işlər naziri Ceyhun Bayramov da daxil olmaqla hökumət rəsmiləri ilə görüşəcək.
“Hər iki tərəf davamlı sülh razılaşmasına nail olmağa çalışdığı bir zaman səfir Riker ABŞ-ın Azərbaycan və Ermənistan arasında birbaşa danışıqlara davamlı dəstəyini vurğulayacaq”, – deyə məlumatda qeyd olunub. Qeyd edək ki, bu gün Prezident İlham Əliyev ABŞ Dövlət Departamentinin Qafqaz danışıqları üzrə baş müşavirini qəbul edib.
