Admiral Rob Bauer: Rusiya müharibəni uduzub,çünki Putin strateji hədəflərinin heç birinə çata bilmədi
Rusiya artıq strateji baxımdan Ukraynadakı müharibəni uduzub, çünki Prezident Vladimir Putin əvvəlcədən elan etdiyi strateji məqsədlərin heç birinə nail ola bilməyib.
Bu fikri NATO Hərbi Komitəsinin keçmiş sədri, admiral Rob Bauer bildirib.
“Əgər onların nəyə nail olmaq istədiyinə baxsaq, görərik ki, heç bir məqsədlərinə çatmayıblar. Onlar hətta 12 illik müharibədən sonra Donetsk və Luqansk vilayətlərini də tam ələ keçirə bilməyiblər. Buna görə hesab edirəm ki, bu, ruslar üçün strateji uğursuzluqdur”, – deyə admiral vurğulayıb.
O xatırladıb ki, Ukrayna 2022-ci ildə ruslar tərəfindən işğal olunmuş ərazilərin təxminən yarısını geri qaytarıb. Onun fikrincə, əgər Ukrayna o vaxt Qərb tərəfdaşlarından sonradan verilən bütün silah sistemlərini əvvəlcədən alsaydı, müharibə indi tamamilə fərqli mərhələdə olardı.
“Ukraynalılar həmin yay əvvəlcə işğal olunmuş əraziləri geri almaqda daha böyük uğurlar qazana bilərdilər”, – deyə o əlavə edib.
Bu gün paylaşılan digər xəbərlər
Bu gün heç bir yeni xəbər yayımlanmadı