MKİ-nin keçmiş direktoru:Ukrayna pilotsuz sistemlərindəki yeniliklər sayəsində Rusiyanı üstələyib.Bu əsl dahilikdir

Rusiya Ukraynaya qarşı müharibədə üstünlüyünü itirib”.

Qerbxeber.com Teleqraf-a istinadən xəbər verir ki, bunu ABŞ Mərkəzi Kəşfiyyat İdarəsinin (MKİ) keçmiş direktoru Devid Petreus CBS-yə deyib.

“Düşünürəm ki, Rusiyanın artıq üstünlüyə malik olmaması diqqətçəkən məqamdır. Bəli, Rusiya sayca Ukraynadan xeyli çoxdur, silahlanma baxımından rəqibini üstələyir, iqtisadiyyatı Ukrayna iqtisadiyyatından 10-12 dəfə böyükdür. Amma Ukrayna ordusu hazırda cəbhədə rusları dayandıra bilir, – o qeyd edib.

Petreus əlavə edib ki, son iki ayda Ukrayna ordusu cəbhədə Rusiyadan daha böyük uğurlar qazanıb:

“Rusiyanın canlı qüvvə və iqtisadi miqyasda üstünlüyü səbəbindən belə ssenarinin baş verməsi ehtimalı azdır, amma Ukrayna bunu pilotsuz sistemlərindəki yeniliklər sayəsində həyata keçirə bilib”.

MKİ-nin keçmiş direktoru Ukrayna ordusunun vahid komandanlıq və nəzarət ekosisteminə toxunaraq söyləyib: “Əsl dahilik onların hər şeyi necə bir araya gətirməsidir”.