İran ABŞ-nin 15 bəndlik planını inkar etdi

İran ABŞ ilə danışıqlar aparmır.

Bu barədə İran Xarici İşlər Nazirliyinin sözçüsü İsmayıl Bəqayi bildirib.

“İranla ABŞ arasında danışıqlar aparılmayıb. İrana qarşı qanunsuz müharibənin başlamasından bəri – son 25 gün ərzində heç bir danışıq olmayıb”, – o deyib.

İsmayıl Bəqayi qeyd edib ki, indiyədək ABŞ ilə danışıqlar təcrübəsi İran üçün fəlakətli olub.

“New York Times” qəzeti bundan əvvəl rəsmi mənbələrə istinadla iddia etmişdi ki, Vaşinqton müharibənin dayandırılması üçün Tehrana 15 bəndlik plan təqdim edib.