Tovuzda ana 3 aylıq körpəni tanımadığı evdə buraıb qaçdı

Tovuzda ana yardım bəhanəsi ilə daxil olduğu evdə 3 aylıq körpəsini tərk edərək uzaqlaşıb.

Qerbxeber.com Teleqraf-a istinadən xəbər verir ki, qadın kimsəsiz olduğunu əsas gətirərək tanımadığı yaşlı sakindən kömək istəyib. Ev sahibi qadını və üç aylıq körpəsini mənzilə daxil olmasına icazə verib.

Bir müddət sonra ana uşağa qida almaq adı ilə evdən çıxıb və geri dönməyib. Bundan sonra ev sahibi dərhal polis orqanlarına məlumat verib.

Hazırda üç aylıq qız uşağı Tovuz rayon Mərkəzi Xəstəxanasına yerləşdirilib və həkim nəzarətindədir. Körpənin müayinələrdən sonra sığınacağa təhvil verilməsi planlaşdırılır.

Məlumata görə, körpə 2026-cı il təvəllüdlü F. Əhmədovadır.

Aparılan ilkin araşdırmalar nəticəsində uşağın anasının Mingəçevir şəhər sakini olduğu müəyyən edilib.