Makron: Rusiya sanksiyalardan yaxa qurtara bilməyəcək

Fransa Prezidenti Emmanuel Makron Rusiya “müharibə əzmini” davam etdirdikcə, danışıqlar masasına oturmaq istəmədiyi təqdirdə, bunun nəticələrinə görə cəzalandırılacağını bildirib.

Qerbxeber.com xəbər verir ki, bu barədə o, “X” sosial şəbəkəsində yazıb.

Makron həmçinin Ukraynanın enerji infrastrukturuna qarşı Rusiya zərbələrini qınayıb. Prezident bildirib ki, Fransa və tərəfdaşları ilə birlikdə Ukraynaya əsas xidmətləri bərpa və təmin etmək üçün yardım imkanlarını araşdırırlar.

Qeyd edək ki, sentyabr ayında Makron Rusiya ilə razılığa gəlməsə, ABŞ ilə koordinasiya ediləcək yeni sanksiyalarla hədələmişdi.