Almaniya bu silah sistemlərini Ukraynaya göndərir

Almaniya Ukraynaya PUA-lara qarşı “Skyranger” sistemləri göndərəcək.

Qerbxeber.com xəbər verir ki, bu barədə “Rheinmetall” şirkətinin rəhbəri Armin Papperger məlumat yayıb.

Məlumata görə, ilk sistemlər artıq 2025-ci ildə təhvil veriləcək. Müqavilə 10 sentyabrda Londonda keçiriləcək DSEİ silah sərgisində imzalanacaq.

“Bu sistemlərin hər biri 4 kilometr radiusda dronların fəaliyyətini tamamilə istisna edir”, – Papperger bildirib.

Qeyd edək ki, “Skyranger” avtomobillərə quraşdırıla bilən mobil hava hücumundan müdafiə sistemidir.