“Financial Times” : Tramp Ukraynada Çin sülhməramlılarının yerləşdirilməsini təklif edib
ABŞ prezidenti Donald Tramp ötən həftə Ağ Evdə Avropa siyasətçiləri ilə söhbətində münaqişənin nizamlanması çərçivəsində Ukraynada Çin sülhməramlı qüvvələrinin yerləşdirilməsini təklif edib.
Qerbxeber.com bildirir ki, bu barədə APA “Financial Times” qəzetinin mənbələrə istinadən məlumatına görə xəbər yayıb.
Nəşrin məlumatına görə, Çin sülhməramlıları ideyası Avropa ölkələri və Ukrayna tərəfindən dəstəklənməyib.
Rəsmi Kiyev və Avropa dövlətləri Pekini Rusiya hərbi-sənaye kompleksinə yardım göstərməkdə ittiham edirlər.
Tramp administrasiyasının yüksək vəzifəli nümayəndəsi isə qəzetə şərhində Ukraynaya Çin sülhməramlılarının göndərilməsinin müzakirə olunması barədə məlumatı “yalan” adlandırıb.
