KİV:Ukrayna Rusiyanın dərinliklərinə bu raketlə zərbə endirə biləcək

Minlərlə uzaqmənzilli “Flamingo” raketinin istehsalı Ukrayna Silahlı Qüvvələrinə Rusiyanın dərinliklərində strateji hədəflərə dağıdıcı zərbələr endirmək imkanı verəcək.

Qerbxeber.com xəbər verir ki, bu barədə ABŞ-ın “The War Zone” (TWZ) nəşri məlumat yayıb.

Məqalədə qeyd olunur ki, silah istehsalçısı “Fire Point” oktyabr ayından etibarən gündəlik yeddi ədəd “Flamingo” raketi buraxmağı planlaşdırır.

Nəşrin məlumatına görə, raketin texniki göstəriciləri olduqca diqqətçəkicidir. Mənzili 1864 mil (təxminən 3000 km), döyüş başlığının çəkisi 1150 kiloqrama (2535 funt) effektiv zərbə endirməyə imkan yaradır.

Bu xüsusiyyətlər “Flamingo”nu Ukraynanın hazırda istifadə etdiyi bütün raket və PUA-lardan daha güclü və uzunmənzilli silaha çevirir.

Nəşr əlavə edir ki, raketin iti formalı başlığı onu güclü müdafiə olunmuş bunkerlərə və sığınacaqlara nüfuz etməyə qadir edə bilər:

“Döyüş başlığı hətta çevrilmiş hava bombası ola bilər,” – deyə müəllif vurğulayıb.