Rusiya SOCAR-ın yanacaqdoldurma məntəqəsinə hücum etdi
Rusiya ordusu avqustun 18-nə keçən gecə Ukrayna ərazisinə pilotsuz uçuş aparatları ilə növbəti hücum həyata keçirib.
Qerbxeber.com Ukraynanın “Unian” portalına məlumatına əsasən xəbər verir ki, hücum zamanı Odessada SOCAR-a məxsus yanacaqdoldurma məntəqəsi “Shahed” tipli PUA ilə vurulub. Hadisənin detalları hələ açıqlanmayıb.
Xatırladaq ki, avqustun 7-dən 8-nə keçən gecə də rusiyalı hərbçilər SOCAR şirkətinin Odessa vilayətində yerləşən neft bazasına hücum etmişdilər. Beş “Shahed” pilotsuz uçuş aparatı ilə həyata keçirilən hücum nəticəsində yanğın baş vermiş, dizel boru kəmərinə zərər dəymişdi. Nəticədə şirkətin 4 əməkdaşı ağır yaralanmışdı.
Bundan əvvəl isə Azərbaycanın qazının Ukraynaya nəql edildiyi enerji obyektinə hücum edilmişdi.
Bu gün paylaşılan digər xəbərlər
Bu gün heç bir yeni xəbər yayımlanmadı