Ruslar Ukraynanın bir neçə şəhərinə dronlarla hücum edib
Ukraynanın cənubundakı Odessada partlayış səsləri eşidilib.
Qerbxeber.com xəbər verir ki, bu barədə şəhərin meri Gennadi Truxanov məlumat verib.
“Şəhərdə partlayış səsləri eşidilir”, – o, “Telegram” kanalında yazıb.
Dron qruplarının Odessaya Qara dənizdən uçduğu bildirilir.
Avqustun 4-nə keçən gecə Ukraynanın həmçinin Jitomir, Sumı, Çerniqov, Xarkov, Poltava, Çerkassi, Kiyev vilayətləri, Qara dəniz-tomir bölgəsinin mərkəzi hissəsində PUA hücumları qeydə alınıb, hava hücumu sirenaları səslənib.
Ukrayna Hərbi Hava Qüvvələri Komandanlığının məlumatına görə, Ukrayna ordusu Rusiyanın “İsgəndər-M” ballistik raketi də daxil olmaqla 61 hava hədəfini vura bilib.
