Tərtərdə 4 nəfər kanalda çimərkən batdı

Tərtər rayonunun Cəmilli kəndi ərazisində faciəvi hadisə baş verib.

Qerbxeber.com Teleqraf-a istinadən xəbər verir ki, Suqovuşandan çəkilən yeni beton kanala Bərdə rayon sakinləri olan 4 nəfər çimmək məqsədi ilə daxil olub. Kanalda suyun güclü axını səbəbindən onların hamısı suyun axınına qapılıb.

Yerli sakinlər hadisə zamanı bir nəfəri sudan çıxararaq Tərtər rayon xəstəxanasına çatdırıblar. Onun vəziyyəti barədə hələlik məlumat verilməyib.

İlkin məlumata görə, daha bir nəfərin meyiti kanal vasitəsilə axaraq rayonun Dəmirçi kəndi istiqamətinə keçib. Digər iki nəfərin taleyindən isə hələ xəbər yoxdur.

Hadisə yerinə hüquq-mühafizə orqanlarının əməkdaşları və xilasedicilər cəlb olunub, axtarış-xilasetmə tədbirləri davam etdirilir.