Adaptasiya-Sabitləşmə və ya Uyğunlaşma-Peşəkar idmançı ELNUR NEMƏTOVUN yazısı
Son vaxtlar tez tez eşıdılən mövzu .
5 kilo verdim, sonra 10 kilo aldım —axi niyə belə olur?
Başlayırıq arıqlama prosesinə, hər şey əla gedir: əvvəl 5, sonra -8 kilo…
Motivasiya ən yüksək həddədir.
Amma sonra…— İşlər qarışır, hər şey tərsinə getməyə başlayır.
Əvvəlki çəkidən də çox kökəlirik.
Nə oldu, bəs?
Sən demə, adaptasiya dövrünü nəzərə almamışıq.
Bilmək lazımdır ki, arıqlamaq — işin yalnız birinci yarısıdır.
Ən vacibi — arıqladığın çəkinin bədəndə “sabitləşməsidir”, yəni dediyimiz o adaptasiyadır.
Bu proses, illərlə istifadə etdiyimiz telefonu dəyişmək kimidir:
Yeni sistem,
Fərqli menyular,
Yad interfeys…
Əvvəlcə özümüzü itiririk çətin gəlir, başa düşmək vaxt aparır.
Amma bir neçə həftə sonra artıq hər şey normal görünməyə başlayır, alışırıq.
Yeni telefon bizə artıq “öz telefonumuz” kimi gəlir.
Bədən də eynilə belədir.
Əvvəlki “çəki sistemindən” çıxıb yenisinə keçəndə — vaxt və uyğunlaşma istəyir.
Əgər bu uyğunlaşma baş verməsə, bədən “köhnə sistemə” — yəni əvvəlki çəkiyə qayıtmaq istəyəcək.
Yəni bədən bizdən yeni çəkiyə uyğunlaşması üçün vaxt istəyir.
Biz isə bu dövrdə çəki getdi deyə elə bil bir az arxayınlaşırıq:
Yemək vərdişlərimizi əvvəlki halına qaytarırıq
Hərəkətimiz azalır
“Onsuz da arıqlamışam” düşüncəsi yaranır…
Və nəticə:
Bədən itirdiyi çəkini sürətlə və hətta artıqlaması ilə geri qaytarır!!!
Bəs adaptasiya necə olur?
Burada qidalanma planı tam başqa və fərqli yanaşma tələb edir.
Arıqladığımız çəkidə ən az 4–6 həftə stabil qalmamız vacibdir.
Bu mərhələdə bədənin metabolizmi tənzimlənməlidir.
Yəni sadəcə arıqlamaq yox, bədəni dəyişmək və yeni çəkiyə uyğunlaşdırmaq lazımdır.
Bu isə artıq sadə pəhriz yox, peşəkar yanaşma və sistemli planlama tələb edir.
Əgər davamlı və sabit nəticə istəyiriksə – adaptasiyanı unutmamalıyıq!
