Gürcüstan-Azərbaycan-Türkiyə təfəfdaşlığının böyük gələcəyi var-Maka Boçorişvili

“Azərbaycan və Türkiyə Gürcüstanın strateji tərəfdaşlarıdır. Regionun tranzit potensialından danışanda bu ölkələri birlikdə müzakirə etmək çox vacibdir”.

Qerbxeber.com Teleqraf-a istinadən xəbər verir ki, bunu Gürcüstanın xarici işlər naziri Maka Boçorişvili Dubrovnik Forumunda panel müzakirədə çıxışı zamanı deyib.

Onun sözlərinə görə, üç ölkə arasında energetika və nəqliyyat sahələrində çox mühüm layihələrə gətirib çıxaran mükəmməl əməkdaşlıq və strateji tərəfdaşlıq mövcuddur.

“Bununla belə əməkdaşlığımız bununla məhdudlaşmır. Bizim böyük potensialımız var, Mərkəzi Asiya və Şərq ölkələri ilə birgə yalnız Avropa üçün deyil, regionun özü üçün də çox vacib olan Orta Dəhlizin təşviqi üzərində iş aparırıq”, – M.Boçorişvili söyləyib.