Rusiya Ukraynaya 597 dronla hücum etdi-Zelenski

Ötən gecə Rusiyanın Ukraynaya hücumunda 597 dron və 26 kruz raketindən istifadə edilib.

Qerbxeber.com xəbər verir ki, bu barədə Ukrayna Prezidenti Volodimir Zelenski “X” hesabında bildirib.

“Ötən gecə Rusiyanın hücumları Xarkov və Sumı regionlarından Lvov və Bukovinaya qədər ərazini əhatə edib. Onların istifadə etdiyi dronların yarısından çoxu “Şahed” dronları idi. Dronların böyük əksəriyyəti və 20 raket havadan müdafiə sistemlərimiz tərəfindən məhv edilib. Təəssüf ki, mülki infrastrukturumuza zərbə dəyib. Nəticədə, 2 nəfər həyatını itirib, 20 nəfər isə xəsarət alıb”, – Zelenski qeyd edib.

Ukrayna Prezidenti Rusiyaya qarşı sanksiyaların gücləndirilməli olduğunu vurğulayıb və ölkəsinin daha çox havadan müdafiə sistemlərinə ehtiyac duyduğunu bəyan edib.