Böyük Britaniyanın başçılıq etdiyi “Ukrayna üçün dron koalisiyasına” Türkiyədə qoşuldu
Latviyanın Müdafiə Nazirliyi bəyan etdi ki, Türkiyə Böyük Britaniyanın başçılıq etdiyi “Ukrayna üçün dron koalisiyasına” qoşulub.
Qerbxeber.com xəbər verir ki, bu barədə politoloq Kamran Cəfərov sosial media hesabında qeyd edib.
O xatırladıb ki, “Ukrayna üçün dron koalisiyası” 11 yanvar 2024-cü ildə yaradılıb:
“Bu, Ukraynanın müdafiə və hücum imkanlarını artırmaq məqsədilə müttəfiq ölkələrin yaratdığı beynəlxalq təşəbbüsdür. Koalisiyanın fəaliyyət istiqaməti:
– Ukrayna Silahlı Qüvvələrini müasir dronlarla təmin etmək (istehsal etmək, istehsalını maliyyələşdirmək, ya da 3-cü ölkələrdən almaq);
- – Kəşfiyyat;
- – Düşmən texnikası və mövqelərinə zərbələrin koordinasiyası;
- – Radioelektron mübarizə;
- – Artilleriya üçün koordinatların təyini və s.
Başqa sözlə, “Ukrayna üçün dron koalisiyası” müharibədə böyük rol oynayır və həmin koalisiya Rusiya qarşı son dərəcədə mənfi münasibəti olan ölkələrdən ibarətdir.
Türkiyənin bu koalisiyaya qoşulması Rusiyaya çox sərt siyasi mesaj olmaqla yanaşı, Ukrayna üçün çox müsbət hərbi-texniki dəstəkdir”.
Bu gün paylaşılan digər xəbərlər
Bu gün heç bir yeni xəbər yayımlanmadı