Rusiya Sumı vilayətinə zərbələr endirib ölən və yaralanlar var
Rusiya hərbi aviasiyası Ukraynanın Sumı vilayətinə raket zərbələri endirib.
Qerbxeber.com “unian“a istinadən xəbər verir ki, bu barədə vilayətin Hərbi Administrasiyasının rəhbəri Sergey Krivoşeenko məlumat verib.
Onun sözlərinə görə, günorta saatlarında sənaye müəssisələrindən birinə raket hücumu nəticəsində 2 nəfər ölüb, 9 nəfər isə yaralanıb. Administrasiya rəhbəri yaralılardan ikisinin ağır vəziyyətdə olduğunu açıqlayıb.
Əraziyə xilasetmə və tibb xidmətlərinin əməkdaşları cəlb olunub.
