Tramp Putinlə görüşə bilər
“Rusiya prezidenti Vladimir Putinlə Səudiyyə Ərəbistanında görüşmək ehtimalı azdır, lakin görüş 2025-ci ilin mayında Yaxın Şərq səfərindən sonra baş tuta bilər.”
Qerbxeber.com xəbər verir ki, bunu ABŞ prezidenti Donald Tramp deyib.
“Mən Putinlə görüşəcəyəm. Səudiyyə Ərəbistanında görüş mümkündür. Amma çox güman ki, görüş həmin vaxt baş tutmayacaq. Düşünürəm ki, bundan sonra tezliklə onlarla görüşəcəyik”, – Tramp bildirib.
Qeyd edək ki, Donald Tramp mayın 13-dən 16-dək Yaxın Şərqə səfər edəcək. Səfər çərçivəsində o Səudiyyə Ərəbistanı, Qətər və Birləşmiş Ərəb Əmirliklərində olacaq.
