ADA bu ölkədə filialını aça bilər
Qazaxıstanda Azərbaycanın ADA Universitetinin filialı açıla bilər.
Qerbxeber.com xəbər verir ki, bunu Qazaxıstanın elm və ali təhsil naziri Sayasat Nurbek “1news.az”a bildirib.
“Biz ADA Universitetinin Qazaxıstanda filialının açılmasını təklif etdik. Almatı yaxınlığında, Konayev şəhərində yeni böyük şəhərcik yaradırıq. Beynəlxalq universitetləri ora cəlb etmək istəyirik”, – o bildirib.
Nurbek qeyd edib ki, Qazaxıstan Azərbaycanla əməkdaşlıq çərçivəsində universitet mübadiləsi, eləcə də universitetlərin filiallarının açılması imkanlarını da nəzərdən keçirir.
