Minerallarla bağlı Ukrayna ilə saziş 24 apreldə bağlanacaq-Tramp

ABŞ Prezidenti Donald Tramp Vaşinqton və Kiyev arasında Ukraynanın faydalı qazıntıları ilə bağlı sazişin 24 aprel tarixində imzalanacağını bəyan edib.

Qerbxeber.com xəbər verir ki, Ağ Ev rəhbəri bunu İtaliyanın Baş naziri Corcia Meloni ilə birlikdə Ağ Evdə keçirdiyi brifinqdə bildirib.

Ondan sənədin bu həftə ərzində imzalanıb-imzalanmayacağı soruşulub. Tramp isə cavabında deyib:
“Minerallarla bağlı bir razılaşmamız var və güman edirəm ki, bu gələn cümə axşamı imzalanacaq. Onların sazişin şərtlərini yerinə yetirəcəyini düşünürəm, baxarıq”, – deyə ABŞ prezidenti bildirib.

Qeyd edək ki, qısa müddət öncə Ukrayna Prezidenti Volodimir Zelenski aprelin 17-də ABŞ və Ukrayna arasında faydalı qazıntılarla bağlı memarandumun imzalanacağını açıqlamışdı.