ABŞ-ın maliyyə naziri Rusiya əleyhinə sanksiyaların yumşaldılmasını istisna etməyib

ABŞ-ın maliyyə naziri Skott Bessent Ukraynadakı münaqişənin sülh yolu ilə həllində irəliləyişə nail olmaq üçün Rusiyaya qarşı sanksiyaların yumşaldılmasını, o cümlədən Rusiya banklarının SWIFT sisteminə qoşulmasını istisna etməyib.

Qerbxeber.com xəbər verir ki, Bessent bu haqda “Fox News”a müsahibəsi zamanı məlumat verib.

“Düşünürəm ki, bütün seçimlər masadadır. Rusiya rəhbərliyinin növbəti addımları sanksiyaların sərtləşdiriləcəyini və ya yumşaldılacağını müəyyən edəcək.”, – o bildirib.

Qeyd edək ki, ABŞ dövlət katibi Marko Rubio da Qərbin Ukraynadakı münaqişənin yekun həllinə nail olması üçün Rusiyaya qarşı sanksiyalar rejiminə yenidən baxmağa məcbur olacağını deyib.