Tbilisidə aksiyanın 14-cü günü: Dövlət məmurları da etirazçılara qoşuldu

Qerbxeber.com  Aktual.ge-yə istinadən xəbər verir ki, hazırda etirazçılar əllərində Gürcüstan və Avropa İttifaqı bayraqları “Yaşasın Gürcüstan”, “Gürcüstan-Gürcüstan” şüarları səsləndirirlər.

Eyni zamanda bu gün axşam saatlarında keçmiş və fəal dövlət məmurları Respublika meydanına toplaşaraq yürüş aksiyası keçiriblər. Onlar hazırda Rustaveli Prospektində davam edən aksiyaya qoşulublar. Aksiyaya qoşulan Dövlət qulluqçuları hökumətin Avropaya inteqrasiyanı dayandıran qərarına etiraz ediblər və aksiyalar zamanı saxlanılanlarla həmrəy olduqlarını ifadə ediblər.

Qeyd edək ki, hüquq-mühafizə orqanlarının əməkdaşları Parlamentin ətrafına cəlb olunub.

Xatırlatma:

28 noyabrda Gürcüstanın Baş naziri İrakli Kobaxidze bəyan edib ki, hökumətin qərarına əsasən, ölkə 2028-ci ilin sonuna qədər Avropa İttifaqı ilə danışıqlara başlamayacaq və bu müddət ərzində heç bir büdcə qrantı qəbul etməyəcək.

Baş nazirin bu açıqlamasından sonra ölkədə etiraz dalğası yaranıb. 28 noyabrdan bəri Tbilisi, Batumi və digər iri şəhərlərdə hökumətin Avropa İttifaqına üzvlüklə bağlı danışıqları dayandırmasına qarşı etiraz aksiyaları davam edir. Ən izdihamlı aksiyalar isə 28 noyabr tarihindən bəri Tbilisidə keçirilir.